پولیس نے جائے وقوع پر پہنچ کر حالات کوقابو میں کیا اور بابل سپریو کو محفوظ مقام پر لے گئی۔بابل سپریواور اعلیٰ پولیس اہلکار کے درمیان نوک جھوک بھی ہوئی۔
بابل سپریو کی گاڑی پر حملہ
پولیس کاکہنا ہے کہ ر کن پا رلیمنٹ اور بی جے پی کے امیدوار بابل سپریو کی گاڑی پر حملہ ہو اہے۔ گاڑی میں توڑ پھوڑ کی گئی ہے۔ شرپسندوں کی تلاش جاری ہے۔بابل سپریو کا کہنا ہے کہ ترنمول کانگریس کے کارکنان نے میری گاڑی پر حملہ کیاہے۔ پولیس کو اطلاع دینے کے باوجود تا خر سے پہنچی۔انہوں نے مزید کہاکہ مغر بی بنگال کی پولیس کی مدد سے ترنمول کانگریس جے حامی غنڈہ گردی کر تے ہوئے بوتھوں پر قبضہ کرنے کی کوشش کر رہے ہیں۔ ترنمول کا نگریس کے حامی بی جے پی کے پولنگ ایجنٹوں پر حملہ کر رہے ہیں۔ پولیس تماشائی بنی ہوئی ہے۔ترنمول کا نگریس کے ضلع صدر نے بابل سپریو کے الزام کو بے بنیاد قراردیا ہے۔
