راجستھان کے وزیراعلی اشوک گہلوت جے پور میں ریاستی دفتر پہنچے اور مدن لال سینی کو خراج عقیدت پیش کی۔
اس کے دوران اشوک گہلوت کے ساتھ کئی ریاستی وزرا موجود تھے۔ سابق وزیراعلی وسندھرا راجے نے بھی مدن لال سینی کو خراج عقیدت پیش کی۔
اس موقعے پر اشوک گہلوت نے میڈیا سے بات چیت کے دوران کہا کہ سینی کے انتقال کی خبر سے انھیں کافی افسوس ہوا۔
گزشتہ روز دارالحکومت دہلی میں راجستھان یونٹ کے بی جے پی صدر مدن لال سینی کا انتقال ہو گیا تھا، جس کی آج آخری رسومات ادا کی جائے گی۔
مدن لال سینی کے انتقال کی وجہ سے آج بی جے پی پارلیمانی کمیٹی کی میٹنگ موخر کر دی گئی ہے۔
مدن لال سینی کی نعش کو آج جے پور پہنچا دیا گیا ہے، جہاں بی جے پی کے ریاستی صدر دفتر میں ان کی آخری زیارت کروائی جا رہی ہے۔
یہ سلسلہ بی جے پی کے ریاستی دفتر میں 10 بجے تک چلے گا، اس کے بعد 12 بجے سے دو بجے تک آبائی مکان پر ان کے نعش کو رکھا جائے گا، پھر تین بجے آخری رسومات ادا کی جائے گی۔