منگیر میں بڑی تعداد میں اے کے 47 برآمد ہونے کے بعد یہ کارروائی جاری ہے، سنیل پانڈے کے دونوں بھائیوں کے گھر پر بھی چھاپہ ماری کی کارروائی جاری ہے۔ یہ کارروائی این آئ اے اور سی آر پی ایف مشترکہ طور پر کررہی ہے۔
آج صبح ہی این آئی اے کی ٹیم سنیل پانڈے کے پٹنہ میں واقع گھر اور بکسر میں واقع گھر پر بھی چھاپہ شروع کردی تھی اور ان کے بھائی لڈو پانڈے کے گھر پر بھی یہ کارروائی جاری ہے۔
واضح رہے کہ اب تک 22 اے کے 47، بڑی تعداد میں بندوق کے پارٹس اور سینکڑوں کی تعدا میں کارتوس ضبط کیے ہیں۔
ضلع میں اے کے 47 کے مختلف پولیس تھانوں میں 8 کیس درج ہیں جس میں ایک کیس کی تحقیقات این آئی اے کررہی ہے۔
اس معاملے میں پولیس نے اب تک تین درجن سے زائد افراد کو گرفتار کر جیل بھیجا ہے اور دو درجن سے زائد افراد فرار ہیں۔
منگیر پولیس نے 7 کیسز میں سے 6 کیسز میں چارج شیٹ داخل کی ہے اور آخری کیس میں چارج شیٹ داخل کرنے کی تیاری کررہی ہے۔
