جے اینڈ کے بینک کے سابق چیئرمین کے کوارٹر پر چھاپہ

ریاست جموں و کشمیر کے دارالحکومت سرینگر میں اینٹی کرپشن بیورو نے جموں و کشمیر بینک کے سابق چیئرمین پرویز احمد کی رہائش گاہ پر چھاپہ مارا ہے۔

بیورو کی ایک اور ٹیم نے شہر کے بالائی علاقے نٹی پورہ میں واقع ان کے بھائی کی رہائش گاہ پر بھی چھاپہ مارا ہے اور وہاں سے دستاویزات تحویل میں لی گئی ہیں۔

انسداد رشوت ستانی بیورو کے ایک بیان کے مطابق، بینک کے کئی افسران کے خلاف بے ضابطگیوں کی شکایتیں ملی ہیں۔

بتایا جاتا ہے کہ سابق چئیرمین پرویز احمد نے پی ڈی پی اور بی جے پی حکومت کے دوران دونوں سیاسی جماعتوں سے تعلق رکھنے والوں اور قریبی رشتے داروں کو بینک میں بھرتی کیا تھا۔