ابھیشک بنرجی کی نریندر مودی کو دھمکی

مغربی بنگال کے ڈائمنڈ ہاربر پارلیمانی حلقے سے ترنمول کانگریس کے امیدوارابھیشک بنرجی نے کہاکہ وزیر اعظم نریندر مودی نے اگر24 گھنٹے کے اندر ہتک عزت کیس میں جواب نہیں دیا تو وہ ان کے خلاف فوجداری کا مقدمہ درج کرائیں گے۔

مغر بی بنگال کی وزیر اعلیٰ ممتا بنرجی کے بھتجے ابھیشک بنرجی کے مطابق میں نے وزیر اعظم نریندر مودی کے خلاف ہتک آمیز مقدمہ دائر کیاہے۔اگرانہوں نے 24 گھنٹے کے اندر نوٹس کا کوئی جواب نہیں دیا تو ان کے خلاف فوجداری مقدمہ دائر کرائیں گے۔

انہوں نے کہاکہ نریندر مودی کو ہتک عزت کیس میں جواب دینا پڑے گا۔ انہوں نے انتخابی مہم کے دوران جس طرح سے ہم پر حملہ کیا تھا اس کےخلاف ہتک عزت کا کیس بنتا ہے۔ابھیشک بنرجی کے مطابق قانون کے مطابق نریندرمودی کو 24 گھنٹے کے اندر جواب دینا چا ہئے اگر وہ ایسا نہیں کرتے ہیں تو ان کے خلاف مزید مقدمہ دائرکیا جائے گا۔