انہوں نے مزید کہا کہ ہمیں ایسا ظاہر کرنا چاہئے جس سے وزیراعظم کو بھی اس بات کا یقین ہو جائے کہ مسلمان بھی ان پر اعتماد کرتے ہیں۔
سید عیسی رضا کی رہائش گاہ سانپلہ روڈ پر پہنچے شیعہ سینٹرل وقف بورڈ کے ترجمان مولانایعسوب عباس نے اخبار نویسوں سے کہا کہ مسلمانوں کو اپنے ساتھ لانے کی نیت سے ہی وزیر اعظم نریندر مودی نے اپنے نعرے سب کا ساتھ، سب کے وکاس میں سب کااعتماد جوڑا ہے، اتنا ہی نہیں بلکہ مسلمانوں کی ترقی کے لیے خاص اسکیمیں بنائی جارہی ہیں،جن کامسلمانوں کوفراخدلی سے خیر مقدم کرنا چاہئے۔
انہوں نے کہا کہ یہ بات اٹل ہے کہ ملک کی ترقی کا راستہ ہندو مسلم ایکتا سے ہی نکلے گا اور اس بات کو وزیر اعظم نریندر مودی بھی اچھی طرح سمجھ گئے ہیں۔
ایک سوال کے جواب میں انہوں نے کہا کہ اسلام مخالف سازشوں کے سبب مسلمانوں کو فرقوں میں بانٹنے کا کام کیا گیا، جس کا اثر یہ ہوا کہ آج مسلمان بے شمار فرقوں میں بٹ گئے ہیں،اب مسلمانوں کو فرقہ بازی چھوڑ کر متحد ہونا چاہئے، خوشی کی بات یہ ہے کہ اس کے لیے دیوبندی اور شیعہ علماءمسلسل کوششیں کر رہے ہیں۔
سعودی حکومت پر حملہ کرتے ہوئے انہوں نے کہا کہ سعودی عرب اسرائیل اور امریکہ کے تحفظ میں پوری دنیا میں دہشت گردی کو فروغ دینے کا کام کررہے ہیں۔
انہوں نے کہا کہ ایران کے خلاف امریکہ ، اسرائیل اور سعودی عرب اس کے حامی ممالک کا استعمال کررہے ہیں،تاکہ ایران سے اٹھنے والی آواز وںکو دبایا جاسکے۔
انہوں نے تمام مسلمانوں سے اسلام مخالف سازشوں کوپہنچانتے ہوئے فرقے اور مسلک سے اوپر اٹھ کر متحد ہونے کی اپیل کی۔
