انتظامیہ کے دخل کے بعد آج ہی دیر شام تک پانی پت سے ایک آکسیجن ٹینکر بھی ہسپتال کو مل جائے گا۔ اجمیر کے پشکر روڈ پر واقع متل ہسپتال میں کورونا کے 90 سنگین مریض داخل ہیں۔
ہسپتال انتظامیہ نے آکسیجن کی کمی کا حوالہ دیتے ہوئے تمام مریضوں کے اہل خانہ کو صبح دوسرے کسی ہسپتال میں متنقل کرنے کا نوٹس جاری کر دیا۔ ضلع کلکٹر پرکاش راج پروہت تک جب نوٹس کی بات پہنچی تو انتظامیہ کی جانب سے راتوں رات ہسپتال مینیجنمنٹ کو تحریری خط کے ذریعے پابند کیا گیا کہ وہ کسی مریض کو ڈسچارج نہ کریں اور اپنے بیڈ پر ہی آکسیجن کا انتظام بھی کریں۔
ہسپتال مینیجمنٹ اپنے فرمان سے پہلے ہی تمام کوشش کر چکا تھا اور اس کے پاس صبح تک ہی آکسیجن دستیاب تھا لہٰذا اس نے ضلع انتظامیہ کے سامنے ہاتھ کھڑے کر دیے۔
صبح ضلع انتظامیہ کی جانب سے ہسپتال کو 50 آکسیجن سلنڈر مہیا کروائے گئے جس کے سبب یہاں ہسپتال کو راحت ملی، وہیں مریضوں کے اہل خانہ کو راحت کی سانس آئی۔ ایک ٹینکر ملنے سے فی الحال آکسیجن کی کمی دور ہو سکے گی۔
قابل ذکر ہے کہ متل ہسپتال کو ایئر لکوڈ نارتھ انڈیا پروائیویٹ لمیٹیڈ نے کوٹے کی کمی میں سپلائی کرنے سے انکار کر دیا۔
