ریلوے اسٹیشنز پر سکیورٹی کے انتظامات سخت

اتراکھنڈ کے روڑکی ریلوے محکمے کو بم سے اڑانے کا دھمکی بھرا خط موصول ہوا ہے۔ اس دھمکی کے بعد ریاست اترپردیش کے مرادآباد ریلوے اسٹیشن پر بھی سخت حفاظتی انتظامات کا حکم دیا گیا ہے۔

اتر پردیش کے مرادآباد ریلوے جی آر پی اور آر پی ایف کو بھی اس بات کی اطلاع دی گئی ہے۔ اسی تناظر میں ریلوے پولیس کو اعلیٰ افسران نے حکم دیا ہے کہ ریلوے اسٹیشنوں اور مسافروں پر نگرانی سخت کردی جائے اور سکیورٹی کے پختہ انتظام کیے جائیں۔

واضح رہے کہ گزشتہ دنوں اتراکھنڈ کے روڑکی ریلوے اسٹیشن، ہریدوار اور 13 دیگر مقامات کو بم سے اڑانے کی دھمکی بھرا خط موصول ہوا تھا۔