ہملام دھولکراج دھاکل کے ضلع مجسٹریٹ نے بتایا کہ اس پراسرار بیماری سے ہلاک ہونے والوں کی تعداد 10 ہوگئی ہے، اور 200 سے زائد افراد بیمار ہیں۔
ہلاک شدگان میں زیادہ تر بچے اور بزرگ ہیں، جبکہ ہر برس اس بیماری کی وجہ سے دور دراز گاؤں کے لوگ متاثر ہوتے ہیں۔
انہوں نے کہا کہ ہملا ضلع کے تانجاکوٹ کے دیہی علاقے کے بہت سے گاؤں اس نامعلوم بیماری کی زد میں ہیں۔
مقامی انتظامیہ نے اس بیماری پر کنٹرول حاصل کرنے کے لیے کئی طبی ٹیموں کو تعینات کیا ہے، خیال کیا جارہا ہے کہ اس بیماری پر جلد ہی قابو پالیا جائے گا،جبکہ ڈاکٹروں نے متاثرہ لوگوں کے خون کے نمونے کی جانچ شروع کردی ہے۔
یاد رہے کہ نیپپال کے دارالحکومت کاٹھمنڈو سے ہملا 450 کلومیٹر دور ہے۔
