بالی ووڈ کی سابق اداکارہ زائرہ وسیم نے کرناٹک حجاب معاملہ پر اپنے ردعمل کا اظہار کیا، انہوں نے اپنے ٹویٹر ہینڈل پر ایک طویل نوٹ پوسٹ کیا، جس میں انہوں نے کہا کہ " یہ کہنا کہ حجاب پہننے کا انتخاب کسی کو وراثت میں ملا ہے تو یہ ایک غلط تصور ہے۔" یہ تصود سہولیت یا ناواقفیت کی وجہ سے پیدا ہوا ہے۔ Zaira Wasim on Hijab Row
انہوں نے کہا کہ "اسلام میں حجاب ایک چائس نہیں بلکہ فرض ہے۔ جو خاتون حجاب پہنتی ہیں وہ اس فرض کو ادا کر رہی ہیں جس کا اس کے اللہ نے حکم دیا ہے جبکہ وہ اس سے محبت کردی ہے اور اللہ کے حکم پر چلنے کو اپنا فرض سمجھتی ہے۔ انہوں نے خود کی مثال پیش کرتے ہوئے کہا کہ میں ایک خاتون کے طور پر شکر گزاری اور عاجزی کے ساتھ حجاب پہنتی ہوں اور اس پورے سسٹم سے ناراضگی کا اظہار کرتی ہوں جہاں خواتین کو صرف ایک مذہبی وابستگی کی وجہ سے روکا اور ہراساں کیا جارہا ہے ۔
سابق اداکارہ کا کہنا ہے کہ مسلم خواتین کے خلاف تعصب کو فروغ دینا اور ایسا نظام قائم کرنا، جہاں انہیں تعلیم اور حجاب کے درمیان کسی ایک کو منتخب کرنا ہے یا پھر انہیں چھوڑنا ہے، سراسر نا انصافی ہے ۔ آپ انہیں ایک بہت ہی محدود چوائس کیلئے مجبور کرنے کی کوشش کررہے ہیں ، جو آپ کے ایجنڈہ کو فروغ دیتا ہے اور پھر ان کی تنقید کرتے ہیں جبکہ وہ آپ کے ذریعہ بنائی گئی چیزوں میں قید ہیں ۔
