Youth Killed Over Interfaith Marriage کرناٹک میں دوسرے مذہب کی لڑکی سے شادی کرنے پر نوجوان کا قتل

کرناٹک میں باگلکوٹ کے جامکھنڈی میں ایک سنسنی خیز واقعہ میں ایک نوجوان کو دوسرے مذہب کی لڑکی سے محبت کرکے شادی کرنے کے پاداش میں قتل کر دیا گیا۔ لڑکی کا والد اس کیس کا کلیدی ملزم ہے جسے پولیس نے گرفتار کر لیا ہے۔Youth killed Over Interfaith Marriage

باگلکوٹ: کرناٹک میں باگلکوٹ کے جامکھنڈی میں ایک سنسنی خیز واقعہ میں ایک نوجوان کو دوسرے مذہب کی لڑکی سے محبت کرکے شادی کرنے کے پاداش میں قتل کر دیا گیا۔ لڑکی کا والد اس کیس کا کلیدی ملزم ہے جسے پولیس نے گرفتار کر لیا ہے۔ پولیس کے مطابق نوجوان کو لڑکی کے والد اور دیگر افراد نے بے دردی سےقتل کردیا۔ باپ کو اس بات پر غصہ تھا کہ دوسرے مذہب سے تعلق رکھنے والے نوجوان کو اس کی بیٹی سے پیار ہو گیا اور اس سے شادی بھی کر لی۔Youth killed Over Interfaith Marriage

مقتول نوجوان کی شناخت جین دھرم کے بھجبالی کھڈجگی (34) کے طور پر کی گئی ہے۔ الزام ہے کہ کھتریہ برادری سے تعلق رکھنے والی بھاگیہ شری پاٹل کے والد نے نوجوان کو قتل کیا۔

پولیس نے بتایا کہ لڑکی کے والد تمنگوڈا پاٹل اور تین دیگر ملزمان نے نوجوان کو اس کے چہرے پر نمک پاوڈر پھینک کر ہلاک کر دیا جب وہ ہفتہ کی رات جامکھنڈی تعلقہ کے تککوڈا میں بھگوان ہمو کی پالکی کے تہوار کے بعد گھر واپس لوٹ رہا تھا۔ فی الحال اس قتل کے کلیدی ملزم تمنگوڈا پاٹل کو ساولی تھانے کے پولیس اہلکاروں نے گرفتار کیا ہے۔ پولیس نے بتایا کہ انہوں نے دیگر ملزمان کی تلاش کے لیے ٹیم تشکیل دی ہے۔

یو این آئی