گورکھپور: ریاست اترپردیش کے کشی نگر ضلع میں پولیس نے اسلم نام کے نوجوان کو گرفتار کیا ہے۔ مذکورہ نوجوان پر الزام ہے کہ اس کے گھر کی چھت پر ملک مخالف جھنڈا لہراتا ہوا پایا گیا۔ گھر کی چھت پر لہراتے ہوئے جھنڈے کا ویڈیو وائرل ہونے کے بعد پولیس نے کارروائی کرتے ہوئے نوجوان کو گرفتار کر لیا۔
اے ایس پی رتیش سریواستو نے بتایا کہ اسلم نے جمعہ کو تیراسوجن تھانہ علاقے کے بینڈوپر میں عاص محمد انصاری کے گھر کی چھت پر مبینہ طور پر ملک مخالف جھنڈا لہرایا۔ اس کے بعد پولیس موقع پر پہنچی اور جھنڈے کو اتار کر ملزم نوجوان کو گرفتار کرلیا۔ Youth arrested for hoisting pakistan flag in kushinagar
مزید پڑھیں:۔ پاکستانی پرچم لہرانے کے الزام میں تین افراد گرفتار
پولیس نے رات ہی میں ایک نوجوان خاتون سمیت دو ملزمان کے خلاف متعلقہ دفعات کے تحت مقدمہ درج کیا تھا۔ فی الحال اس معاملے میں گرفتاری کے بعد پولس اپنی تحقیقات میں مصروف ہے۔ پولیس کے مطابق معاملے کی تفتیش کی جا رہی ہے۔ Hoisting Pakistani Flag in Kushinagar
