لکھنؤ: وزیر اعلی یوگی آدتیہ ناتھ کی صدارت میں آج کابینہ کی ایک اہم میٹنگ ہوگی۔ کابینہ کا اجلاس دوپہر 12 بجے طلب کیا گیا ہے۔ اس میٹنگ میں نائب وزیر اعلیٰ کیشو پرساد موریہ، برجیش پاٹھک سمیت وزراء کونسل کے تمام اراکین موجود رہیں گے۔ اتر پردیش کی ترقی کے سلسلے میں آج کابینہ کی اس میٹنگ میں کابینہ کی طرف سے کئی اہم تجاویز کو منظوری دی جا سکتی ہے۔ اس کے علاوہ کابینہ اجلاس کے بعد آج تمام وزراء کی میٹنگ کا بھی اہتمام کیا گیا ہے۔ اس میں وزراء کے گروپ کی رپورٹ کی بنیاد پر آئندہ کا لائحہ عمل طے کیا جائے گا۔Yogi government cabinet meeting today
وزراء اور نوڈل افسران کے 18 حلقوں کے دورے کے بعد مزید ایکشن پلان بنایا جانا ہے۔ عوام کے مسائل کے حل کے لیے بات چیت کی جائے گی۔ اس کے علاوہ دیگر تمام امور پر بات چیت ہوگی۔ کابینہ کی اس میٹنگ میں نماز جمعہ کے بعد تشدد کے حوالے سے امن و امان سمیت دیگر مسائل پر بھی تبادلہ خیال کیا جائے گا۔
مزید پڑھیں:۔ Bulldozer Run Over Kanpur Violence Accused: کانپور تشدد معاملے میں یوگی حکومت کی متنازع بلڈوزر کارروائی شروع
کابینہ کے اجلاس میں تقریباً ایک سے ڈیڑھ درجن تجاویز پر مہر ثبت ہو جائے گی۔ زراعت، اعلیٰ تعلیم، طب و صحت، طبی تعلیم، سیاحت سمیت کئی محکموں کی تجاویز آج کابینہ کے اجلاس میں رکھی جائیں گی جن میں سے کچھ کی منظوری دی جا سکتی ہے۔
