نوجوانان یادگیر نے ایک پریس کانفرنس کرتے ہوئے بتایا کہ 19 تاریخ بروز منگل صبح دس بجے مسجد حقانی سے جلوس میلاد نکالا جارہا ہے۔ یہ جلوس گاندھی چوک، ٹیپو سلطان چوک، مسلم پورہ، آستانہ حضرت یعقوب شاہ قادری سے کلیان منڈپ پر پہنچ کر اختتام پذیر ہوگا۔
ویڈیو
تجمل حسین صدر ستیہ وادی ہیومن رائٹس یادگیر نے خاص کر نوجوانوں سے اپیل کرتے ہوئے کہا کہ جلوس نہایت سادگی کے ساتھ نکالا جارہا ہے اور ساتھ ہی حکومت کی جانب سے کورونا وائرس سے بچنے کے لئے بتائے گئے احتیاطی اقدامات پر عمل کرتے ہوئے پرامن طریقے سے نکالا جائے گا۔
- یہ بھی پڑھیں:بارہ ربیع الاول کے موقع پر صدر جمہوریہ اور وزیر اعظم کی مبارکباد
انہوں نے نوجوانوں سے گزارش کی ہے کہ وہ ڈی جے کا استعمال نہ کریں کیونکہ ضلعی انتظامیہ اور محکمہ پولیس کی جانب سے اس پر پابندی ہے۔ اس لئے تمام لوگوں سے اپیل کی جاتی ہے کہ جلوس سے میلاد کو نہایت سادگی اور پرامن طریقے سے منائیں۔
اس موقع پر عبدالغفار، ڈاکٹر فیروز خان، قمرالاسلام، شہباز جاگیردار، پرویز پٹیل، ریاض احمد، محمد جنید کے علاوہ دیگر موجود تھے۔
