شاہنواز حسین نے میڈیا سے بات چیت کت دوران کہاکہ ریاست میں وزیراعلیٰ نتیش کمار کی قیادت میں ایک مضبوط حکومت ہے۔
یہ حکومت بہار میں صنعت لگانے اور بے روزگاروں کو روزگار دینے میں مضبوطی سے کام کررہی ہے ۔
انہوں نے کہاکہ اس ’ ڈبل انجن ‘ کی حکومت کی مدت کار سال 2025 تک ہے جو اپنی مدت کار پوری کرے گی اور وزیراعلی کے عہدے پر نتیش کمار بنے رہیں گے ۔
صنعت کے وزیر نے سپول میں صنعت لگانے کے امکانات پر تذکرہ کرتے ہوئے کہاکہ ضلع میں صنعت لگانے کیلئے بہترماحول ہے۔
مزید پڑھیں:صحت کے شعبے میں بہار میں ہوئی ہے کافی ترقی : نتیش
یہاں بجلی ۔ پانی کا کوئی مسئلہ نہیں ہے اور یہی وجہ ہے کہ صنعت کار یہاں صنعت لگانے کے خواہشمند ہیں۔
ضلع میں صنعت لگانے کیلئے بیاڈا سے ستر ایکڑ اراضی موصول ہوئی ہیں جس میں 777 کروڑ روپے کی لاگت سے صنعت لگائے جائیں گے۔ اس کے لئے صنعت کاروں سے تجاویز موصول ہوئی ہیں۔
یواین آئی۔
