ریاست اترپردیش کے بارہ بنکی جیل میں خواتین قیدیوں کو ہنر مند بنایا جا رہا ہے تاکہ جیل سے نکلنے کے بعد ان قیدیوں کو سماج کشادہ دلی کے ساتھ قبول کر سکے۔
دراصل بارہ بنکی کی ضلع جیل میں خواتین قیدیوں کو سلائی، کڑھائی، بنائی اور گھریلو سامان بنانے کی ٹریننگ دی جا رہی ہے۔ ٹریننگ کے دوران جو سامان تیار ہوتا ہے جیل انتظامیہ اس کی مارکیٹنگ کرتا ہے۔ اس سے خواتین قیدیوں کو کام کی اجرت بھی دی جاتی ہے۔
مزید پڑھیں:۔ خواتین قیدی کو خود کفیل بنانے کی تیاری
اس طرح جیل میں خواتین قیدی نہ صرف بااختیار ہو رہی ہیں بلکہ خود کفیل بھی ہو رہی ہیں۔ جیل انتظامیہ کی یہ کوشش اسلئے ہے کہ خواتین قیدیوں کی جیل سے نکلنے کے بعد بہتر طریقے سے باز آبادکاری ہو سکے۔ خواتین قیدی بھی جیل انتظامیہ کی اس منفرد پہل سے کافی خوش ہیں۔ ان کا کہنا ہے کہ وہ جیل سے باہر نکلنے کے بعد اس کام کو جاری رکھیں گی۔
