کیرالہ میں اسمبلی انتخابات کی مہم کے ختم ہونے میں اب محض ایک ہفتے باقی رہ گئے ہیں لہذا تمام چھوٹی بڑی سیاسی جماعتوں کے قدآور رہنما اور اسٹار کیمپینرز زیادہ سے زیادہ ووٹ حاصل کرنے کے لیے جدوجہد اور ریلیاں کر رہے ہیں۔ آئندہ دنوں میں قومی رہنما کیرالہ پہنچیں گے۔
وزیر اعظم نریندر مودی اور اے آئی سی سی جنرل سکریٹری پرینکا گاندھی آج کیرالہ میں ہونے والے مختلف پروگراموں میں شرکت کریں گے۔
مودی آج پلکّڈ آئیں گے اور 2 اپریل کو کونی اور ترواننت پورم پہنچیں گے۔
وزیر اعظم کے علاوہ وزیر داخلہ امت شاہ اور بی جے پی کے قومی صدر جے پی نڈا، یوپی کے وزیر اعلی یوگی آدتیہ ناتھ اور مدھیہ پردیش کے وزیر اعلی شیوراج سنگھ چوہان بھی اس ہفتے ریاست میں سرگرم ہوں گے۔
پرینکا گاندھی آج کیرالہ پہنچیں گی اور دو دن تک ترواننت پورم، کولم اور تھرسور اضلاع میں انتخابی مہم میں شرکت کریں گی۔ پرینکا 11 مقامات پر خطاب کریں گی۔ راہل گاندھی 3 اور 4 اپریل کو وائناڈ اور کوزیکوڈ اضلاع میں آرہے ہیں۔
سی پی ایم کے جنرل سکریٹری سیتارام یچوری اور قومی رہنما پرکاش کرات اور برندا کرات کیرالہ میں انتخابی مہم میں حصہ لے رہے ہیں۔ وزیر اعلی پنارائی وجین کی انتخابی مہم کل تک جاری رہے گی۔
