شمالی بنگال کے مادر ہاٹ علاقے میں عام لوگوں سے ملاقات کے دوران دلیپ گھوش نے کہا کہ ترنمول کانگریس کی سربراہ ممتابنرجی اور ویمل گورنگ کے درمیان تعلقات سے دارجلنگ کو نقصان ہو سکتا ہے۔
انہوں نے کہا کہ پہار (دارجلنگ ) کے لوگ گورکھا جن مکتی مورچہ کے رہنما ویمل گورنگ کو آسانی سے قبول نہیں کر سکتے ہیں۔ دلیپ گھوش نے کہا کہ ویمل گورنگ کو دوبارہ دارجلنگ آنے کی اجازت دینا ہی پہاڑی علاقے کو تشدد کی آگ میں جھونکنا ہے۔
بی جے پی کے رہنما کا کہنا ہے کہ ترنمول کانگریس کی سربراہ نے ویمل گورنگ کو دارجلنگ لائی ہیں اور ان سے سیاسی فائدہ اٹھانے کی کوشش کر رہی ہیں چائے پر چرچا کے دوران ممتا بنرجی دارجلنگ ہار چکی ہیں۔
کھویا ہوا وقار دوبارہ حاصل کرنے کے لئے ویمل گورنگ کا سہارا لے رہی ہیں۔ انہوں نے مزید کہا کہ ترنمول کانگریس اور ویمل گورنگ کے لئے دارجلنگ میں دوبارہ قدم جمانا آسان نہیں اور اس مرتبہ عوام بھی دونوں کے خلاف ہے۔
چائے پر چرچا مہم کے دوران دلیپ گھوش نے کہا کہ ویمل گورنگ کی وجہ سے دارجلنگ میں 13 لوگوں کی موت ہوئی ہے۔ انہوں نے کہا کہ ویمل گورنگ کو پہلے 13 لوگوں کی موت کی ذمہ داری قبول کرنی ہوگی اس کے بعد ہی آگے بات چیت کی جائے گی۔
واضح رہے کہ اکتوبر مہینے کے گورکھا جن مکتی مورچہ کے رہنما ویمل گورنگ چند برسوں کی گمنام کی زندگی کے بعد اچانک کولکاتا پہنچے۔ ویمل گورنگ کولکاتا پہنچنے کے بعد سالٹ لیک میں گورکھا بھون میں پریس کانفرنس کے دوران این ڈی اے چھوڑ کر ترنمول کانگریس کے ساتھ اتحاد کرنے کا اعلان کیا۔
