گیا: ریاست بہار کے ضلع گیا میں مکھیا تبسم پروین کے شوہر محمد وکیل کا رقص کے دوران فائرنگ کرتے ہوئے ایک ویڈیو وائرل ہو رہا ہے۔ واقعہ ضلع گیا ہیڈ کوارٹر سے قریب 30 کلومیٹر دور نیمچک بتھانی کا ہے۔ اس سلسلے میں پولیس نے مقدمہ درج کرکے تحقیقات شروع کردی ہے۔ سفید لنگی اور سفید بنیان میں ملبوس شخص مقامی مکھیا تبسم پروین کا شوہر بتایا جارہا ہے۔Mukhya's husband firing during dance in gaya
دعویٰ کیا جارہا ہے کہ مکھیا کا شوہر نشے کی حالت میں تھا اور اس نے رقص کے دوران بندوق سے اتنی گولیاں چلائیں کہ شامیانہ میں سراخ ہوگیا۔ اس واقعہ کا ویڈیو سوشل میڈیا پر تیزی سے وائرل ہو رہا ہے۔ یہ معاملہ گیا ضلع ہیڈکوارٹر سے تیس کلومیٹر دور نیمچک بتھانی تھانہ علاقے کا ہے۔ اطلاع کے مطابق سرین پنچایت کے مکھیا کے شوہر ضلع کے نیمچک بتھانی بلاک میں ایک پروگرام میں شرکت کرنے کے لئے گئے ہوئے تھے۔
یہ پروگرام مجہولی گاؤں میں منعقد کیا گیا تھا، جہاں مکھیا کے شوہر کا آبائی گھر بھی ہے۔ اس پروگرام میں رَقّاصاؤں کو بھی مدعو کیا گیا تھا۔ مکھیا کے شوہر نے اسٹیج پر خوب رقص کیا، جب رقاصہ نے اسٹیج پر رقص شروع کیا تو مکھیا کے شوہر نے فائرنگ شروع کردی۔ جس کا ویڈیو سوشل میڈیا پر تیزی سے وائرل ہورہا ہے۔
مزید پڑھیں:۔ آر جے ڈی رہنما کا رقص کرتے ویڈیو وائرل
اس وائرل ویڈیو میں سرین پنچایت کے مکھیا کے شوہر کی تصویر اپنے ساتھیوں کے ساتھ رقص کرتے اور فائرنگ کرتے ہوئے صاف دکھائی دے رہی ہے۔ سرین پنچایت کی مکھیا کے شوہر کے بارے میں کہا جاتا ہے کہ ان کا نام علاقے کے دبنگ اور بدنام لوگوں میں شمار کیا جاتا ہے۔ اس کے خلاف تھانے میں کئی مقدمات درج ہیں۔ پہلے سے فائرنگ سمیت دیگر مقدمات درج ہیں۔ ساتھ ہی منجھولی سمیت آس پاس کے علاقوں میں اس کے نام کی دہشت ہے۔
اس سلسلے میں نیمچک بتھانی کے ڈی ایس پی ونے کمار شرما نے بتایا کہ سرین پنچایت کے مکھیا کے شوہر کی ڈانس پروگرام میں فائرنگ کرنے کے معاملے کی پہلے خبر نہیں تھی تاہم اب ویڈیو موصول ہوا ہے۔ ویڈیو کی تحقیقات کی جارہی ہے اسلحہ کی بھی جانچ ہوگی۔ تفتیش کے بعد گرفتاری یقینی طور ہر ہوگی۔
