بی جے پی کے سابق ایم ایل سی اور سینئر لیڈر وکرم رندھاﺅ نے ایم او ایس ڈاکٹر جتیندر سنگھ اور ڈی ایم او جموں پر الزامات عائد کرتے ہوئے کہا کہ ڈی ایم او رشوت خوری میں ملوث ہیں۔
گزشتہ روز جموں میں ایک پریس کانفرنس سے خطاب کرتے ہوئے بی جے پی کے سینئر لیڈر نے کہا کہ ڈی ایم او جموں توی دریا کی غیر قانونی کان کنی میں ملوث ہیں جبکہ وہ مبینہ طور پر کریشر مالکان کو ہراساں کر نے میں مصروف ہیں۔
انہوں نے بتایا کہ آفیسر، ایم او ایس ڈاکٹر جتیندر پر حصہ لینے کے الزامات بھی عائد کر رہا ہے۔ دوسری جانب پارٹی کے قاعدہ کےخلاف پریس کانفرنس کرنے پر پارٹی نے وکرم رندھاﺅ کے خلاف وجہ بتاﺅ نوٹس بھی جاری کردیا ہے۔
پارٹی کی جانب سے جاری کردہ نوٹس میں کہا گیا ہے کہ مذکورہ لیڈر کی جانب سے پریس کانفرنس کے دوران استعمال کی جانے والی زبان انتہائی غیر معیاری اور قابل اعتراض ہے۔
نوٹس میں کہا گیا ہے کہ مذکورہ لیڈر کی جانب سے اٹھائے گئے قدم کی وجہ سے پارٹی کو نقصان پہنچا ہے۔
دوسری جانب بی جے پی لیڈر کی جانب سے مسلسل ذرائع ابلاغ کو دئے گئے بیانات میں ناراضگی کا اظہار کیا جارہا ہے۔
