نائب صدر نے بدھ کے روز رام نومی کے موقع پر یہاں جاری ایک پیغام میں کہا ہے کہ پرشوتم شری رام بھارتی ثقافت اور ادب کی علامت اور ملک کے اخلاقی اور روحانی شعور کا مرکز ہیں۔ شری رام ایک جامع انصاف پسند معاشرے کے علمبردار ہیں، ان کی قائم کردہ مریادہ ابدی اور ازلی ہیں۔
انہوں نے کہا ’’ملک کے عوام کو مریادہ پُرشوتم شری رام کے یوم پیدائش، رام نومی کی دلی مبارکباد‘‘۔
نائب صدر نے کہا کہ رام اچھائی، ہمت اور ہمدردی کی علامت ہیں۔ رام نومی کا تہوار مریادہ پرشوتھم بھگوان رام کی مثالی زندگی کو یاد دلاتا ہے اور انہیں ان کے دکھائے ہوئے اچھائی کے راستے پر چلنے کی ترغیب دیتا ہے۔ یہ تہوار ہم سب کو اپنے کنبہ، معاشرے اور ملک کے تئیں اپنے فرائض اور ذمہ داریوں کی یاد دلاتا ہے۔
مزید پڑھیں:
رمضان المبارک کی مناسبت سے وزیراعظم کا پیغام
انہوں نے کہا ’’میری تمنا ہے کہ اس تہوار سے ہماری زندگی میں خوشی اور سکون آئے، ہم بھگوان رام کے دکھائے ہوئے راستے پر چلنے اور ان کے ذریعہ قائم کردہ آدرشوں سے دنیا کی تخلیق کریں‘‘۔
یو این آئی
