لکھنؤ: اترپردیش میں آنے والے دنوں میں بلدیاتی انتخابات کا اعلان ہونے والا ہے، جس کے بعد ریاست کے کئی شہروں میں کونسلر، چیئرمین، نگر پالکا سمیت متعدد عہدوں کے لیے انتخابات ہوں گے۔ ان انتخابات کے حوالے سے سبھی سیاسی جماعتیں سرگرم ہوگئی ہیں۔ ایک طرف جہاں بی جے پی مسلم امیدواروں کو میدان میں اتارنے کی بات کر رہی ہے۔ وہیں کانگریس اور سماج وادی پارٹی عوامی مسائل پر انتخابات کی تیاریوں میں سرگرم ہے۔ کانگریس پارٹی کے نومنتخب ریاستی صدر برج لال کھابری سے ای ٹی وی بھارت نے خاص بات چیت کی ہے۔ اس موقع پر ان سے جاننے کی کوشش کی ہے کہ بلدیہ انتخابات میں کانگریس پارٹی کی کیا تیاریاں ہے اور لوک سبھا انتخابات سے قبل بلدیہ انتخابات میں کانگریس پارٹی کی کیا کارکردگی ہوگی؟ Congress party state president on municipal elections
مزید پڑھیں:۔ BJP EYE On Minority Votes یوپی میں بلدیہ انتخابات میں بی جے پی کی مسلم ووٹرز پرنظریں
نومنتخب صدر ریاستی برج لال کھابری نے کہا کہ کانگریس پارٹی پوری حکمت عملی کے ساتھ کئی شہروں میں انتخابات کی تیاریوں میں سرگرم ہے، بنیادی مسائل پر کانگریس انتخابی میدان میں ہوگی۔ کئی شہروں میں پانی جمع ہونے کے سبب عوام پریشان ہے۔ سڑک کی حالت خستہ ہوچکی ہے۔ پینے کے لیے صاف پانی کے عدم فراہمی، بجلی ،مہنگائی، بے روزگاری جیسے عوامی مسائل پر پارٹی انتخابی میدان میں ہو گی۔ انہوں نے کہا کہ اشتہاری مہم میں کیا حکمت عملی اپنائی جائے گی اس کو ابھی واضح نہیں کریں گے لیکن اس حوالے سے دھرم اور مذہب سے بالاتر ہوکر عوامی مسائل کو حل کرنے کے لیے انتخابی میدان میں ہوں گے۔ انہوں نے کہا کہ بی جے پی نے ترقیاتی کام کے جو دعوے کیے تھے وہ دعوے بے بنیاد ہیں، سڑکوں پر گڈھے ہیں اور بنیادی سہولت سے عوام محروم ہے۔
