الیکشن کمیشن نے جمعہ کے روز اتر پردیش میں اسمبلی انتخابات کے پہلے مرحلے UP Polls 2022 First Phase میں 11 اضلاع کی 58 سیٹوں پر ووٹنگ کے لیے نوٹیفکیشن جاری کیا۔
کمیشن کی جانب سے عوامی نمائندگی قانون کے تحت نوٹیفکیشن جاری کیے جانے کے ساتھ ہی Nomination Process for 58 Seats Begins Today امیدواروں کی جانب سے نامزدگی کا عمل شروع ہوگیا۔ نوٹیفکیشن کے مطابق کاغذات نامزدگی 21 جنوری تک داخل کیے جاسکتے ہیں۔ کاغذات نامزدگی کی جانچ 24 جنوری کو ہوگی۔
کاغذات نامزدگی واپس لینے کی آخری تاریخ 27 جنوری مقرر کی گئی ہے۔ جبکہ ووٹنگ 10 فروری کو ہوگی۔ کورونا بحران کے پیش نظر اس بار ووٹنگ کی مدت میں ایک گھنٹہ توسیع کی گئی ہے۔ اس کے تحت صبح 7:00 بجے سے شام 6:00 بجے تک ووٹنگ ہوگی۔
پہلے مرحلے میں مغربی اتر پردیش کے شاملی، میرٹھ، مظفر نگر، باغپت، ہاپوڑ، غازی آباد، بلند شہر، متھرا، آگرہ، علی گڑھ اور گوتم بدھ نگر اضلاع کی 58 اسمبلی سیٹوں پر پولنگ ہوگی۔
مزید پڑھیں:
- UP Election 2022: سوامی پرساد موریہ سمیت متعدد ارکان اسمبلی ایس پی میں شامل
- Impact of Ban on Political Rallies in UP: سیاسی جاعتوں کی ریلیوں پر پابندی سے کاروبار متاثر
یو این آئی
