Reaction on Exit Poll: اپوزیشن پارٹیوں کو ایکزٹ پول پر اعتماد نہیں

اتر پردیش اسمبلی انتخابات UP Assembly Election کے تمام مرحلوں کی حق رائے دہی مکمل ہونے کے بعد دکھائے جا رہے ایکزٹ پول پر اپوزیشن پارٹیز کو یقین نہیں ہے۔ Reaction on Exit Poll۔ اپوزیشن پارٹیز مختلف چینلز پر چلائے جارہے ایکزٹ پول کو جھوٹ کا پلندہ بتا رہے ہیں اور دعویٰ کر رہے ہیں کہ 10 مارچ کے بعد ان کی حکومت بنے گی اور تمام تصاویر واضح ہو جائے گی۔

ریاست اتر پردیش کے ضلع بارہ بنکی میں سابق وزیر اور سماجوادی پارٹی کے سینئر رہنما اروند کمار سنگھ گوپ نے کہا کہ 'یہ وہی ایکزٹ پول ہیں جو بنگال ودیگر ریاستوں میں دکھائے گئے تھے۔ انہوں نے کہا کہ 'تمام ایکزٹ پول جھوٹ کا پلندہ ہے، 10 مارچ کو جب نتائج آئیں گے تو وہ اقتدار میں واپس آئیں گے'۔ Reaction on Exit Poll

وہیں کانگریس پارٹی کے ایس سی ایس ٹی سیل زون وسط کے صدر تنج پنیا نے کہا کہ 'مختلف چینلز مختلف ایکزٹ پول دکھا رہیں' ایسے میں ان پر اعتماد کرنا مشکل ہے، انہوں نے دعویٰ کیا کہ 'کانگریس ان انتخابات میں بہتر مظاہرہ کرنے جا رہی ہے، ان کے رکن اسمبلی میں اضافہ ہونے جارہا ہے۔ ساتھ ہی ساتھ ان کا ووٹ شئیر بھی بہتر ہو رہا ہے۔ 10 مارچ کو تمام صورتحال واضح ہو جائے گی۔