ایودھیا: ریاست اترپردیش کے شہر ایودھیا میں نکچھید یادو نامی ایک 65 سالہ بزرگ نے 23 سالہ لڑکی سے دوسری شادی کی جب کہ لڑکی کی یہ پہلی شادی ہے۔ یہی نہیں شادی کی خاص بات یہ ہے کہ دولہا نے اپنی چھ بیٹیوں کی شادی کے بعد خود شادی کی۔ دولہا ایودھیا کے پڑوسی ضلع بارہ بنکی کا رہنے والا ہے۔ اس انوکھی شادی کا ویڈیو سوشل میڈیا پر وائرل ہو رہا ہے۔
بارہ بنکی کے ایک 65 سالہ رہائشی نے بیوی کی موت کے بعد اپنی تنہا زندگی سے پریشان ہو کر یہ قدم اٹھایا۔ خاص بات یہ ہے کہ جس بوڑھے شخص کی شادی ہوئی ہے اس کی چھ بیٹیاں ہیں اور اس نے تمام بیٹیوں کی شادی کردی ہے۔ اس کے بعد اس نے محسوس کیا کہ عمر کے اس مرحلے میں انہیں ایک ساتھی اور سہارے کی ضرورت ہے۔ اس کی شادی گھر والوں اور رشتہ داروں کی رضامندی سے ہوئی ہے۔ یہی نہیں اس شادی میں باراتی اور دولہا نے ڈی جے کی دھن پر زبردست رقص کیا۔ گاؤں کے لوگوں اور رشتہ داروں نے ویدک منتروں کے درمیان منعقدہ اس شادی کے پروگرام میں دولہا اور دلہن کو آشیرواد دیا۔
مزید پڑھیں:۔ 75 سالہ بزرگ کی 45 سالہ خاتون سے انوکھی شادی
بارہ بنکی ضلع کے سبیہا تھانہ علاقے کے تحت حسین آباد کے پوری چودھری گاؤں کے رہنے والے نکچھید یادو نے نندنی نامی لڑکی سے شادی کی ہے۔ شادی شدہ شخص کی 6 بیٹیاں ہیں اور ان شادی ہوچکی ہے۔ اس کے بعد وہ تنہائی کی زندگی گزار رہے تھے۔ جس کی وجہ سے وہ بہت پریشان تھے۔ اپنی تنہائی کو دور کرنے کے لیے اس نے ایک بار پھر شادی کرنے کا ارادہ کیا۔ اس کے بعد گھر والوں اور رشتہ داروں کی رضامندی سے ایودھیا ضلع کے روڈولی علاقے میں واقع مشہور کامکھیا دیوی مندر میں دھوم دھام سے شادی ہوئی۔ یہی نہیں اس شادی میں ڈی جے بھی بجایا گیا اور خواتین نے ڈانس بھی کیا۔ 65 سال کی عمر میں دولہا بننے والے بوڑھے نے بھی اپنی ہی شادی میں ڈی جے کی دھن پر خوب رقص کیا۔ اس پورے پروگرام کا ویڈیو سوشل میڈیا پر وائرل ہو رہا ہے۔
