نوادہ: مرکزی وزیر داخلہ امت شاہ آج بہار کے نوادہ دورہ پر ہیں۔ امت شاہ اس دورے کے لیے ہفتہ کی رات ہی پٹنہ پہنچ گئے تھے۔ بی جے پی کارکنان نے مرکزی وزیر داخلہ امت شاہ کا شاندار استقبال کیا۔ وزیر داخلہ امت شاہ نے اتوار کے روز نوادہ ضلع کے ہسوا میں ایک ریلی سے خطاب کیا۔ ریلی میں انہوں نے ساسارام میں ہونے والی عوامی ریلی کی منسوخی کے بارے میں بھی بات کی۔
ساسارام کا دورہ منسوخ: اس سے قبل وزیر داخلہ امت شاہ کا دورہ ساسارام میں بھی منعقد ہونا تھا لیکن بی جے پی کے ریاستی صدر سمراٹ چودھری نے اس پروگرام کو رام نوامی کے بعد بھڑکنے والے تشدد اور ضلع انتظامیہ کی طرف سے دفعہ 144 کے نفاذ کی وجہ سے ملتوی کر دیا۔ اس پروگرام میں مرکزی وزیر داخلہ امت شاہ سمراٹ اشوک کی یوم پیدائش پر ساسارام میں ایک پروگرام میں شرکت کرنے والے تھے۔
پٹنہ میں بھی پروگرام منسوخ: موصولہ اطلاعات کی بنیاد پر پٹنہ میں امت شاہ کا پہلے سے مجوزہ پروگرام کو بھی منسوخ کر دیا گیا۔ یہ پروگرام دارالحکومت پٹنہ میں واقع ایس ایس پی کیمپس میں ہونے والا تھا، جہاں 9 نو تعمیر شدہ اداروں کا افتتاح مرکزی وزیر کے ذریعہ صبح 11:30 بجے حکومت ہند کے تحت سشستر سیما بال فرنٹیئر کی عمارت کی تعمیر کے لئے بھومی پوجن کے ساتھ کیا جانا تھا۔ یہ پروگرام بھی منسوخ کر دیا گیا۔ تاہم ابھی تک اس پروگرام کی منسوخی کی وجہ کے بارے میں کوئی جانکاری نہیں مل سکی ہے۔
سیکورٹی کے سخت انتظامات
کئی اہلکار معائنہ کیلئے پہنچے: راجیہ سبھا کے رکن پارلیمنٹ راکیش سنہا اور بی جے پی کے ایم پی وویک ٹھاکر نوادہ میں وزیر داخلہ امیت شاہ کے پہنچنے سے پہلے ہی وہاں پہنچ گئے تھے۔ بی جے پی تنظیم کے دیگر اعلیٰ عہدیدار بھی ہر طرح سے پروگرام کا جائزہ لینے میں مصروف تھے۔ جانکاری کے مطابق امت شاہ کے نوادہ میں اترنے سے پہلے ہی ایک ہیلی پیڈ بنایا گیا تھا اور جانچ کے مقصد سے ایک جہاز کو اترتے ہوئے دیکھا گیا تھا تاکہ مرکزی وزیر امت شاہ کے پروگرام میں کوئی خلل نہ پڑے۔ مرکزی وزیر کی آمد کے حوالے سے سیکورٹی انویسٹی گیشن ایجنسی کے اہلکاروں نے ہیلی پیڈ سے اسٹیج تک کے پورے راستے کا معائنہ کیا۔ سیکورٹی کے سخت انتظامات کئے گئے ہیں۔ اس کے بعد امت شاہ نوادہ پہنچے۔
یہ بھی پڑھیں: Amit Shah Visit Bihar مرکزی وزیر داخلہ امت شاہ دو روزہ بہار کے دورے پر پٹنہ پہنچے
