وزیر صحت نے سابق وزیر اعظم ڈاکٹر منموہن سنگھ کی خیریت دریافت کی اور ڈاکٹروں سے ان کی صحت کے بارے میں جانکاری حاصل کی۔
ڈاکٹر منموہن سنگھ کو گزشتہ تین چار دنوں سے بخار تھا جس کے بعد انہیں ڈاکٹر نتیش نائیک کی نگرانی میں کارڈیو نیورو ڈیپارٹمنٹ میں داخل کرایا گیا ہے۔ ڈاکٹرس کی ٹیم کی نگرانی میں ان کا علاج چل رہا ہے۔
واضح رہے کہ سابق وزیر اعظم ڈاکٹر منموہن سنگھ کو بخار اور کمزوری کی شکایت کے بعد کل شام اسپتال میں داخل کیا گیا تھا۔ انہیں قومی دارالحکومت کے آل انڈیا انسٹی ٹیوٹ آف میڈیکل سائنسز (ایمس) میں داخل کرایا گیا ہے۔ ان کی حالت فی الحال مستحکم ہے۔
