نئی دہلی: صدر جمہوریہ دروپدی مورمو نے ملک کی فضائیہ اور ریلوے کے شعبہ میں ہونے والے توسیع کا ذکر کرتے ہوئے آج کہا کہ اڑان اسکیم اور وندے بھارت ٹرین نے ملک کے ہوائی اور ریلوے شعبے کی تصویر بدل دی ہے۔ صدر جمہوریہ نے پارلیمنٹ کے سینٹرل ہال میں دونوں ایوانوں کے مشترکہ اجلاس میں اپنے خطاب میں کہا کہ ملک کی فضائیہ شعبہ بھی تیزی سے آگے بڑھ رہی ہے۔ سال 2014تک جہاں ملک میں ہوائی اڈوں کی تعداد 74تھی،وہ اب بڑھ کر 147ہو گئی ہے۔ آج ہندوستان دنیا کا تیسرا بڑا فضائیہ بازار بن چکا ہے۔ اس میں اڑان اسکیم کابھی بہت بڑا کردار ہے۔
ریلوے کے شعبے میں ترقی کا ذکر کرتے ہوئے مورمو نے کہا کہ ہندوستانی ریلوے اپنی جدید شکل میں سامنے آ رہی ہے اور ملک کے ریلوے نقشے میں کئی مشکل علاقے بھی جڑ رہے ہیں۔ وندے بھارت ایکسپریس کے طور پر ایک جدید اور سیمی یائی اسپیڈ ٹرین ہندوستانی ریل کا حصہ بن چکی ہے۔ جموں کشمیر اور شمالی مشرق کے مشکل علاقوں کو بھی ریلوے سے جوڑا جا رہا ہے۔ ملک کے بڑے ریلوے اسٹیشنوں کو جدید بنایا جا رہا ہے۔ ہندوستانی ریلوے دنیا کا سب سے بڑا بجلی سے چلنے والا ریلوے نیٹ ورک بننے کی طرف تیزی پر ہے۔ ہندوستانی ریلوے کو محفوظ بنانے کے لئے غیر ملکی تکنیک -ڈھال کا بھی ہم تیزی سے توسیع کر رہے ہیں۔
یہ بھی پڑھیں: Draupadi Murmu Speech Highlights ایوان سے صدر جمہوریہ کا پہلا خطاب، اہم نکات جانیے
یو این آئی
