جنوبی کشمیر: قاضی گنڈ میں دو غیر مقامی افراد اسلحہ سمیت گرفتار

سکیورٹی فورسز نے جنوبی کشمیر کے قاضی گنڈ علاقے میں گذشتہ شام دو غیر مقامی افراد کو گرفتار کر کے ان کی تحویل سے اسلحہ بر آمد کرنے کا دعویٰ کیا ہے۔

سرکاری ذرائع نے بتایا کہ جنوبی کشمیر کے قاضی گنڈ علاقے میں جواہر ٹنل کے نزدیک جمعے کی شام سکیورٹی فورسز نے ایک سینٹرو گاڑی زیر نمبر JK04- 9750 کو روک کر اس کی تلاشی لی۔

انہوں نے بتایا کہ تلاشی کے دوران گاڑی میں سوار دو افراد کو گرفتار کیا گیا جن کی تحویل سے ایک پستول اور 20 گولیاں بر آمد کی گئیں۔

گرفتار شدگان کی شناخت محمد دانش صدیقی ولد شمشاد صدیقی اور محمد نوشاد ناوی ولد محمد یونس ناوی ساکنان اترپردیش کے بطور ہوئی ہے۔

مذکورہ ذرائع نے بتایا کہ گاڑی کو ضبط کیا گیا ہے اور گرفتار شدگان کی مزید پوچھ گچھ کی جا رہی ہے۔