شملہ: ہماچل پردیش کے کلو ضلع کے سیاحتی شہر منالی میں کار گہری کھائی میں گرنے سے دو افراد کی موت ہو گئی اور ایک زخمی ہو گیا۔ پولیس نے ہفتہ کو یہاں بتایا کہ حادثہ واہنگ کے قریب کولنگ میں پیش آیا۔ سڑک پر بلیک آئس کی وجہ سے گاڑی پھسل کر دریائے بیاس کے کنارے جا گری۔ گاڑی میں تین افراد سوار تھے جن میں سے دو کی جائےواقع پر ہی موت ہوگئی جب کہ ایک کو زخمی حالت میں اسپتال منتقل کیا گیا۔Two killed one Inured in Manali accident
حادثے کی اطلاع ملتے ہی منالی کے ڈپٹی سپرنٹنڈنٹ پولیس ہیم چند ورما نے حادثے کی تصدیق کی ہے۔ انہوں نے کہا کہ جائے واقع پر راحت اور بچاؤ کام شروع کر دیا گیا ہے۔ مرنے والوں میں سے ایک کلو کے باویلی کا رہنے والا ہے اور دوسرے کی شناخت کی جا رہی ہے۔ زخمی شخص منالی میں عینک بیچتا تھا، جو دوسری ریاست کا رہنے والا ہے۔ پولیس نے پوسٹ مارٹم کے بعد لاش ورثاء کے حوالے کر دی ہے اور واقعہ پر مقدمہ درج کر کے حادثے کی وجوہات جاننے کی کوشش کر رہی ہے۔
یہ بھی پڑھیں: Kathua Road Accident کٹھوعہ میں سڑک حادثہ، تین افراد ہلاک
یو این آئی
