پولیس ذرائع کے مطابق منگل کی درمیانی شب آلٹو کار (جے کے 14 اے/ 9978) رامبن سے ادھمپور کی جانب جارہی تھی کہ ناشری - چہنی ٹنل کے گیٹ نمبر 16 سے کار ٹکراکر حادثے کا شکار ہوگئی۔
ٹکر اتنی شدید تھی کہ کار میں سوار دو افراد موقع پر ہی ہلاک ہوگئے جبکہ تیسرا شخص شدید طور پر زخمی ہوا ہے۔
ہلاک ہونے والوں کی شناخت بٹو کمار شرما (40) اور سدیش کمار (28) کے طور پر ہوئی ہے جبکہ شدید زخمی کی پہچان گنیش گوتم (20) کے طور پر ہوئی ہے۔ تینوں لوگوں کا تعلق ضلع رامبن سے ہی ہے۔
مقامی لوگوں نے حادثے کے بعد تینوں لوگوں کو سب ضلع ہسپتال چہنی میں علاج کے لیے منتقل کیا جہاں ڈاکٹروں نے دو افراد کو مردہ قرار دے دیا۔
پولیس نے کیس درج کر کے تفتیش شروع کر دی ہے۔ قانونی کارروائی کرنے کے بعد لاش وارثین کے حوالے کر دی جائے گی تاکہ ان کی آخری رسومات ادا کی جاسکے۔
