ٹوئٹر انڈیا نے منیش مہیشوری کو ایم ڈی کے عہدے سے ہٹادیا ہے۔ حالیہ دنوں میں ٹوئٹر اور حکومت کے درمیان جاری تنازعے کے دوران منیش مہیشوری کا نام بہت زیادہ سرخیوں میں تھا۔
منیش مہیشوری اب امریکہ شفٹ ہوں گے جہاں وہ سینیئر ڈائریکٹر آف ریونیو اسٹریٹیجی اینڈ آپریشنز کے ساتھ ساتھ نیو مارکیٹ پر بھی توجہ دیں گے۔
اس سے قبل اتر پردیش حکومت نے کرناٹک ہائی کورٹ کے اس حکم کو چیلنج کرتے ہوئے سپریم کورٹ کا رخ کیا تھا جس میں ٹویٹر کے ایم ڈی منیش مہیشوری کو غازی آباد میں ایک بزرگ پر حملے کی وائرل ویڈیو سے متعلق کیس میں گرفتاری سے تحفظ فراہم کیا گیا تھا۔
یہ بھی پڑھیں: کانگریس پارٹی کا آفیشل ٹویٹر اکاؤنٹ بند
واضح رہے کہ کرناٹک ہائی کورٹ نے 24 جون کو غازی آباد میں لونی پولیس کی جانب سے درج ایف آئی آر میں مہیشوری کو تحفظ فراہم کیا تھا۔
