انسانی ہمدردی کے جذبے سے سرشار امریکہ میں مقیم ایک گمنام پاکستانی تاجر نے جمعہ کو ترکیہ اور شام میں آنے والے خوفناک زلزلے کے متاثرین کی مدد کے لیے 30 ملین امریکی ڈالر (2,47,56,15,00 روپے) کا عطیہ دیا ہے۔ پاکستان کے وزیر اعظم شہباز شریف نے اس تاجر کی تعریف کی ہے جس کا نام ظاہر نہیں کیا گیا۔ شہباز شریف نے ہفتہ کو ٹوئٹ کیا کہ ایک گمنام پاکستانی کی مثال سن کر دل بہت خوش ہوا جو امریکہ میں ترکیہ کے سفارت خانے میں گیا اور ترکی اور شام میں زلزلہ متاثرین کے لیے مدد کے طور پر 30 ملین ڈالر کا عطیہ دیا۔ انہوں نے مزید کہا کہ یہ انسان دوستی کے ایسے شاندار کام ہیں جو انسانیت کو بظاہر ناقابل تسخیر مشکلات پر فتح حاصل کرنے کے قابل بناتے ہیں۔
-
Deeply moved by the example of an anonymous Pakistani who walked into Turkish embassy in the US & donated $30 million for earthquake victims in Türkiye & Syria. These are such glorious acts of philanthropy that enable humanity to triumph over the seemingly insurmountable odds.
— Shehbaz Sharif (@CMShehbaz) February 11, 2023 " class="align-text-top noRightClick twitterSection" data="
">Deeply moved by the example of an anonymous Pakistani who walked into Turkish embassy in the US & donated $30 million for earthquake victims in Türkiye & Syria. These are such glorious acts of philanthropy that enable humanity to triumph over the seemingly insurmountable odds.
— Shehbaz Sharif (@CMShehbaz) February 11, 2023Deeply moved by the example of an anonymous Pakistani who walked into Turkish embassy in the US & donated $30 million for earthquake victims in Türkiye & Syria. These are such glorious acts of philanthropy that enable humanity to triumph over the seemingly insurmountable odds.
— Shehbaz Sharif (@CMShehbaz) February 11, 2023
ٹویٹر پر پوسٹ کیے گئے ایک ویڈیو کلپ میں ٹی آر ٹی ورلڈ کے ایک صحافی یوسف ایرم نے اس اقدام کو سراہتے ہوئے کہا، کہ ایک پاکستانی تاجر امریکہ میں ترک سفارت خانے میں داخل ہوا اور 30 ملین ڈالر خود گمنام طور پر عطیہ کیے ہیں۔ ہم نہیں جانتے کہ وہ کون ہے۔ اس کی شناخت ظاہر نہیں کی گئی ہے۔
مزید پڑھیں:۔ Turkey and Syria Earthquake ترکیہ اور شام میں زلزلے سے اموات کی تعداد 25 ہزار سے متجاوز
بتادیں کہ 6 فروری کو صبح سویرے جنوبی ترکیہ اور شمالی شام میں 7.7 درجے کا زلزلہ آیا، جس کے چند گھنٹوں بعد ایک اور زلزلہ آیا جس کی شدت 7.6 تھی۔ جس سے دونوں ممالک میں جان و مال کا بہت زیادہ نقصان ہوا۔ ترکیہ اور شام میں آنے والے زلزلے سے ہلاکتوں کی تعداد 27 ہزار سے تجاوز کر گئی ہے جب کہ زخمیوں کی تعداد ہفتے کی شام تک 85 ہزار سے تجاوز کر چکی ہے۔ اس ہلاکت خیز زلزلے سے ترکیہ اور شام میں کروڑوں افراد متاثر ہوئے ہیں، چھ ہزار عمارتوں اور ہزاروں سڑکوں کو شدید نقصان پہنچا ہے، رابطہ سڑکیں اور ریلوے کا نظام منقطع ہو چکا ہے جب کہ اناطولیہ کی تاریخی مسجد بھی شہید ہوگئی ہے۔ شدید سردی میں لوگ کھلے آسمان تلے امداد کے منتظر ہیں۔ ورلڈ بینک نے متاثرین اور امدادی کاموں کے لیے 1.78 بلین ڈالر دینے کا اعلان کیا ہے۔
