چیف ایریا منیجر ثاقب ملک نے ای ٹی ی بھارت کو بتایا کہ یکم جولائی سے پچاس فیصد گنجائش کے ساتھ ٹرین خدمات کو بحال کیا جائے گا۔ انہوں نے کہا کہ ریل میں ایس او پیز کے ساتھ ساتھ تمام رہنمایانہ اصولوں کا خیال بھی رکھا جائے گا۔
قبل ازیں ریل خدمات کی معطلی میں مزید توسیع کرتے ہوئے ریل خدمات کی معطلی کو 30 جون تک بڑھایا گیا تھا۔ واضح رہے کورونا وائرس کو مزید پھیلنے سے روکنے کے لئے انتظامیہ نے ریل خدمات کو معطل کیا تھا۔
ریل خدمات معطل رہنے سے محکمہ کو بھاری نقصان کا سامنا کرنا پڑا۔ واضح رہے کہ 11 مہینے کی معطلی کے بعد انتظامیہ نے رواں برس فروری میں ریل سروسز کو بحال کیا تھا۔ ریل خدمات اس برس صرف چند مہینوں تک جاری رہیں۔
اس مدت کے دوران بھی پہلے 40 دن تک صرف دو ٹرینیں ہی چل رہی تھی اور اسکے بعد ریلوے انتظامیہ نے دن کو چلنے والی ٹرینوں کی تعداد میں اضافہ کرکے سات کیا تھا لیکن اس برس بھی کورونا وائرس کی لپیٹ میں وادی کی واحد ریل خدمات کو انتظامیہ نے ایک مرتبہ پھر بند کردیا۔
ریلوے حکام کے مطابق مسلسل ٹرین سروسز بند رہنے کی وجہ سے ریلوے کو بھاری نقصان اٹھانا پڑ رہا ہے۔
