مغربی بنگال کے ہاوڑہ، جموریا، بانکورہ اور آسنسول وغیرہ علاقوں میں ٹی ایم سی کارکنان سڑکوں پر نکل گئے اور رنگ اور گلال اڑا کر جیت کا جشن منا رہے ہیں۔
سینیئر ٹی ایم سی رہنما فرہاد حکیم کولکاتا پورٹ اسمبلی حلقہ سے جیت درج کی۔ اسی طرح ترنمول کانگریس کے امیدوار منوج تیواری جو سابق کرکٹر ہیں شیپ پور سے 32 ہزار ووٹوں سے جیت حاصل کرلی ہے۔ انہوں نے رتیندر ناتھ چکرورتی کو ہرایا ہے۔
امیدوں کے برخلاف ریزلٹ آنے کے بعد بنگال بی جے پی کے صدر دلیپ گھوش نے کہا کہ اب بھی ابتدائی رجحان ہیں۔ ہم آخر تک نتائج کا انتظار کریں گے۔
دوسری جانب بی جے پی کے جنرل سیکریٹری کیلاش وجے ورگیہ جو بنگال بی جے پی کے انچارج ہیں، نے گرچہ شکست تسلیم نہیں کی ہے۔ تاہم انہوں نے کہا کہ امیدوں کے مطابق نتائج نہیں آئے ہیں۔ شام کے بعد ہم اس نتائج پر غور وفکر کریں گے۔ انہوں نے کہا کہ امیدوارو ں کے انتخاب میں کوئی غلطی نہیں ہوئی ہے۔
انہوں نے کہا کہ ان رجحانوں سے پتہ چلتا ہے کہ ترنمول کانگریس نے سبقت بنالی ہے اور اس کی کئی وجوہات ہوسکتی ہیں۔ انہوں نے کہا کہ ممتا بنرجی نے باہری اور اندرونی اور ہمدردی کا جو کارڈ کھیلا ہے۔ یہ بھی ایک بڑی وجہ ہوسکتی ہے
