دارالحکومت جے پور میں حکومت کی جانب سے عائد پابندی کے سبب نا تو کوئی بڑا جلوس اور نا ہی کسی بڑی محفل کا انعقاد کیا گیا جبکہ اس دوران ضرورتمند لوگوں کو کھانا کھلایا گیا اور جگہ جگہ پر لنگر لگائے گئے۔ عوام نے یہ روایت اپنے اپنے گھروں میں ادا کی۔ اس دوران حضرت امام حسین رضی اللہ تعالی عنہ کی نیاز بھی دلائی گئی۔
وہیں، اس موقع پر امام باڑوں میں چراغاں کیا گیا اور ان کو روشنیوں سے منور کیا گیا۔ ان امام باڑوں میں حکومتی ایڈوائزری کے مطابق محدود لوگوں کو ہی داخلہ کی اجازت دی گئی۔ باقی لوگوں نے اپنے اپنے گھروں میں علم کی روایت ادا کی۔ اس دوران عالمی وبا کورونا کے خاتمے کے لئے دعا بھی کی گئی۔
مزید پڑھیں:۔ محرم تہوار نہیں بلکہ غم کا مہینہ اور ظلم کے خلاف احتجاج ہے: مولانا کلب جواد نقوی
چاندپول علاقے کے رہائشی و سماجی رکن محمد عمر نے بتایا کہ حکومتی ایڈوائزری کے باعث کوئی بھی بڑا پروگرام نہیں منعقد کیا گیا، ہم نے حکومتی ایڈوائزری کا مکمل خیال رکھا۔
انہوں نے مزید بتایا کہ آج 7 تاریخ کو علم کی روایت ادا کی جاتی ہے۔ تاہم حکومتی ایڈوائزری کی وجہ سے لوگوں نے اس روایت کو اپنے اپنے گھروں میں ادا کی۔
