صدر جمہوریہ رام ناتھ کووند نے جمعرات کو ایک ٹویٹ کے ذریعہ بتایا کہ انہوں نے ہماچل پردیش کے گورنر راجندر آرلیکر اور وزیر اعلیٰ جے رام ٹھاکر سے بات کی ہے اور کنور میں حادثے کے بارے میں جانکاری حاصل کی ہے۔
انہوں نے لکھا کہ "میں نے لوگوں کے تحفظ کے بارے میں اپنی تشویش کا اظہار کیا ہے۔"
صدر نے لکھا کہ "مجھے بتایا کیا گیا ہے کہ متاثرہ لوگوں کو بحفاظت نکالنے کے لیے تمام اقدامات کیے جا رہے ہیں۔ متاثرین کے لواحقین سے دلی تعزیت کرتا ہوں اور زخمیوں کی جلد صحت یابی کی دعا کرتا ہوں۔ "
یہ بھی پڑھیں: Kinnaur landslide : ہماچل پردیش: لینڈ سلائیڈنگ میں 10 لاشیں برآمد، ریسکیو آپریشن جاری
واضح رہے کہ ہماجل پردیش کے ضلع کنور کے ایک گاؤں نگلساری کے قریب میں واقع قومی شاہراہ 5 پر اچانک سے ہوئے لینڈ سلائیڈنگ میں کئی گاڑیاں اس کی زد میں آگئیں تھیں، اس حادثہ میں تقریبا 50 سے 60 لوگوں کے پھنسے ہونے کی اطلاع تھی، ریسکیو کے بعد 10 لاشیں اب تک وہاں سے برآمد کی جاچکی ہیں۔
