جے پور کے رام گڑھ موڑ علاقے میں پولیس کی گاڑیاں گشت کرتے ہوئی نظر آ رہی ہیں، محکمہ پولیس کے تمام اعلیٰ افسران علاقے میں پہنچ کر انتظامات کا جائزہ لے رہے ہیں۔
محکمہ پولیس کے تمام اعلیٰ افسران نے مقامی باشندوں کو اس بات کا یقین دلایا کہ پولیس آپ کے ساتھ ہے اور ہر طرح کی مدد کرنے کے لیے تیار ہے۔
جے پور کے ایس پی پریس دیشمکھ نے بتایا کہ حکومتی گائیڈلائن کے سبب کربلا درگاہ کو بند کردیا گیا ہے، سیکورٹی انتظامات کے مدنظر کثیر تعداد میں پولیس کے جوانوں کو تعینات کردیا گیا ہے۔
مزید پڑھیں:۔ بارہمولہ میں عاشورہ پر جلوس کا اہتمام
انہوں نے بتایا کہ ہم لوگوں نے مختلف تھانوں میں تعزیہ کمیٹی کے ساتھ میٹینگ کی۔ ان نشستوں میں ہم کو ان تعزیہ داروں کی جانب سے یہ بھروسہ دلایا گیا کہ کورونا وائرس کے پیش نظر ہم کسی طرح سے کوئی بھی جلوس نہیں نکالیں گے۔
انہوں نے کہا کہ میں عوام سے اپیل کروں گا کہ کورونا وبا کے قہر کی وجہ سے لوگ اپنے رہائش گاہ پر ہی عبادت کا اہتمام کریں۔
