امریکی محکمہ ہوم لینڈ سکیورٹی کی جانب سے جاری ہائی الرٹ میں کہا گیا ہے کہ ان حالات میں نو منتخب عہدیداروں اور سرکاری تنصیبات پر حملے کیے جاسکتے ہیں۔
محکمہ ہوم لینڈ سکیورٹی کا کہنا ہے کہ حملوں کا خدشہ آئندہ کئی ہفتوں تک بر قرار رہ سکتا ہے، تاہم ان کے پاس کسی مخصوص یا ٹھوس منصوبے کی اطلاع نہیں ہے۔
اس سے پہلے پنٹا گن نے کہا تھا کہ واشنگٹن میں بلائے گئے ہزاروں نیشنل گارڈز مارچ تک دارالحکومت میں موجود رہیں گے۔
خیال رہے کہ چھ جنوری کو سابق امریکی صدر ٹرمپ کے حامیوں کی جانب سے کانگریس اور کانگریس اراکین پر بھی حملہ کیا گیا تھا۔
