امرتسر کے گرو نانک دیو اسپتال میں آتشزدگی کے بعد بھگدڑ مچ گئی ہے۔ یہ آتشزدگی اسپتال کی او پی ڈی کے پیچھے ہوئی جس کے بعد کے ارد گرد افرا تفری مچ گئی۔ واقعے میں کسی جانی نقصان کی اطلاع نہیں ہے۔ آتشزدگی کی وجہ ٹرانسفارمر میں دھماکہ بتایا جا رہا ہے۔ آگ لگنے کے بعد یکے بعد دیگرے کئی دھماکے ہوئے۔ فی الحال ڈائریکٹر پرنسپل راجیو دیوگن موقع پر پہنچ گئے ہیں۔ عمارت کے اندر موجود مریضوں کو فوری طور پر باہر نکال لیا گیا۔ آگ لگنے کے دوران ابھی تک کسی ناخوشگوار واقعے کی اطلاع نہیں ہے۔ وہیں فائر برگیڈ کی ٹیم موقع پر پہنچ کر آگ پر قابو پانے کی کوشش کر رہی ہے۔ بتا دیں کہ اسپتال سے مریضوں کو بروقت بحفاظت نکال لیا گیا۔ پولیس انتظامیہ نے موقع پر پہنچ کر تفتیش شروع کر دی ہے۔ وہیں اب صورتحال قابو میں ہے۔
یہ بھی پڑھیں: Massive Fire Broke Out In Delhi: دہلی میں منڈکا علاقے میں آتشزدگی، ستائیس افراد ہلاک
