وزیر اعظم نریندر مودی نے اتوار کو 75 ویں یوم آزادی کے موقع پر لال قلعے کی فصیل سے قومی پرچم ترنگا لہرایا۔ وزیر اعظم نریندر مودی نے صبح 7.30 بجے اپنا خطاب شروع کیا۔ ان کے خطاب کی دس اہم باتیں درج ذیل ہیں:
1- انہوں نے اپنے خطاب میں سب سے پہلے ملک کے بہادر سپاہیوں کو خراج تحسین پیش کرنے کے ساتھ ساتھ مہاتما گاندھی، جواہر لال نہرو، ڈاکٹر بی آر امبیڈکر کا نام بھی لیا۔ وزیر اعظم نریندر مودی نے خاص طور پر آسام ، مہاراشٹر اور ملک کے دیگر علاقوں کے عظیم انسانوں کا نام لیا اور انھیں خراج تحسنین پیش کیا۔ اس کے ساتھ تینوں فوجوں کے جوانوں کو بھی سلامی دی گئی۔
2- پی ایم مودی نے ڈاکٹروں ، طبی کارکنان ، صفائی ستھرائی کے کارکنان، ویکسین بنانے والوں اور تمام صحت کی دیکھ بھال اور فرنٹ لائن ورکرز کو کورونا وائرس کے دوران ان کی مسلسل خدمات کے لیے شکریہ ادا کیا۔ وزیر اعظم مودی نے ملک کے نوجوان نسل کا حوصلہ بڑھانے والے ٹوکیو اولمپکس کے کھلاڑیوں کا بھی تالیوں کے ساتھ خیرمقدم کیا۔
3- پی ایم مودی نے کہا کہ خاندانوں کی تقسیم کی وجہ سے کسانوں کی زمین چھوٹی ہوتی جا رہی ہے، ملک کے 80 فیصد کسان ایسے ہیں جن کے پاس دو ہیکٹر سے کم زمین ہے۔ وہ توجہ جو چھوٹے کسانوں پر ہونی چاہیے تھی وہ نہیں نہیں ہوپارہا ہے۔ زرعی اصلاحات اسی سمت میں ایک قدم ہے۔ایم ایس پی کو ڈیڑھ گنا بڑھانے، کسان کریڈٹ کارڈ ، فارمر پروڈیوسر آرگنائزیشن جیسی کوششوں سے چھوٹے کسانوں کی طاقت میں اضافہ ہوگا۔ چھوٹے علاقوں تک گودام بنائے جائیں گے۔ پی ایم کسان سمان ندھی یوجنا سے 10 کروڑ خاندانوں کو مدد دی جا رہی ہے۔
4- پی ایم مودی نے کہا کہ ہم کورونا ویکسین کے لیے کسی دوسرے ملک پر انحصار نہیں کر رہے ہیں۔ اگر بھارت کی اپنی ویکسین نہ ہوتی تو کیا ہوتا؟ پولیو ویکسین کے حصول کے لیے بہت زیادہ محنت درکار تھی۔ دنیا کا سب سے بڑا ویکسینیشن پروگرام ملک میں جاری ہے۔54 کروڑ سے زائد ویکسین کی خوراکیں دی گئی ہیں۔ انہوں نے کو وِن پروگرام کو بھی سراہا۔کورونا وبا کے وقت 80 کروڑ لوگوں کو مفت اناج دیا گیا اور گھروں کے چولہے روشن رکھے۔
5- دنیا کے دیگر حصوں کی بنسبت ہندوستان میں کورونا سے لوگ کم متاثر ہیں۔ ہم زیادہ شہریوں کو بچانے میں کامیاب رہے ہیں لیکن یہ پیٹھ پر تھپکی دینے کی بات نہیں ہے۔ یہ کہنا ہے کہ کورونا کوئی چیلنج نہیں تھا ، یہ ایک ایسا نظام بن جائے گا جو ہمارے آگے کے راستے بند کردے گا۔پی ایم مودی نے ان یتیم بچوں کا بھی ذکر کیا جن کے سروں سے والدین کے سائے کورونا کے دوران اٹھ گئے۔
6- بھارت کی ترقی کے سفر میں وہ وقت بھی آگیا ہے۔ ملک کی آزادی کے 75 سالوں کو یونہی نہیں جانے دینا ہے، بلکہ ہمیں اگلے 25 سالوں کے لیے منصوبہ بند ہدف بنانا ہے۔تاکہ آزادی کے صد سال تک ہم نئی بلندیوں پر پہنچ جائیں۔ اس کے لیے اس امرت دور کا ہدف وہ ہے جو دیہات اور شہروں کو تقسیم کرنے والا نہیں ہے اور ملک میں ترقی کے لیے بنیادی ڈھانچہ تیار کرنا ہے۔
یہ بھی پڑھیں:
- PM Modi's Speech: لال قلعہ کی فصیل سے وزیراعظم کا خطاب، کہا یہ نیا بھارت بنانے کا دور
- جنگ آزادی میں اشفاق اللہ خان کا کردار
- مجاہد آزادی کُھدی رام بوس جنہیں 19 برس کی عمر میں پھانسی دے دی گئی
7- پی ایم مودی نے کہا امرت دور 25 سال کا ہے لیکن ہمیں اپنے اہداف کے حصول کے لیے انتظار نہیں کرنا پڑے گا۔ ہمارے پاس کھونے کے لیے ایک لمحہ بھی نہیں ہے یہ وقت صحیح ہے۔ ہمیں بطور شہری خود کو بھی بدلنا ہوگا۔
8- پی ایم مودی نے سب کا ساتھ ، سب کا وکاس اور سب کا وشواس کا نعرہ بھی دیا۔ انہوں نے کہا کہ ملک کے تمام شہریوں کی کوششوں کے بغیر اس اہداف کو حاصل کرنا ناممکن ہے۔
9- پی ایم مودی نے کہا کہ جلد ہی شمال مشرق کے ہر علاقے میں ریل لائن بچھائی جائے گی، جس کی وجہ سے یہ بنگلہ دیش ، میانمار اور دیگر پڑوسی ممالک سے جڑ جائے گا۔ پی ایم مودی نے کہا کہ جموں و کشمیر میں حد بندی کا کام جاری ہے، جلد ہی وہاں اسمبلی انتخابات کی راہ بھی ہموار ہوجائے گی۔ لداخ میں یونیورسٹی کا کام بھی شروع کر دیا گیا ہے۔
10- پی ایم مودی نے کہا ملک میں سرمایہ داری، سوشلزم کی بحث ضرور ہوتی ہے، لیکن کوآپریٹیو کی بحث ضرور ہونی چاہیے۔ باہمی تعاون اجتماعی کوششوں کا ہی ایک راستہ ہے اسی کے لیے باہمی تعاون کی ایک علیحدہ وزارت بھی بنائی گئی ہے تاکہ رکاوٹیں دور ہوں۔
