انہوں نے اس مسئلہ پر گذشتہ چار دنوں تک اپنے مکان میں بھوک ہڑتال کی تھی۔ تلنگانہ کانگریس امور کے انچارج مانکیم ٹیگور نے کہا کہ صحت کی خرابی کی وجہ سے راو نے اپنی بھوک ہڑتال ختم کر دی ہے۔ مانکیم ٹیگور نے ان کو شربت پلا کر یہ بھوک ہڑتال ختم کروائی۔
اس موقع پر مانکیم ٹیگور نے کہا کہ کانگریس کی جانب سے اس مسئلہ پر احتجاج جاری رہے گا۔ انہوں نے کہا کہ کورونا وبا کے دور میں 70سالہ ہنمنت راو کی بھوک ہڑتال مناسب نہیں ہے۔ اسی لئے انہوں نے بزرگ کانگریسی لیڈر کو بھوک ہڑتال ختم کرنے کا نہ صرف مشورہ دیا بلکہ ان کو شربت پیش کرتے ہوئے یہ بھوک ہڑتال ختم کروائی۔
اس موقع پر ہنمنت راو جنہوں نے پنجہ گٹہ پر لگائے گئے امبیڈکر کے مجسمہ کو پولیس کی جانب سے پولیس اسٹیشن منتقل کئے جانے پر ریاستی حکومت پر برہمی کا اظہار کیا اور کہا کہ ریاستی حکومت دستور ہند کے معمار کی توہین کررہی ہے۔
