ہندوستان حالانکہ نیوزی لینڈ کو کمزور سمجھنے کی غلطی نہیں کرے گا،کیونکہ نیوزی لینڈ کی ٹیم مضبوط واپسی کے لئے مشہور ہے اور اس نے کئی مرتبہ ہارنے والے میچ جیتے ہیں۔ سیریز کے دو میچ جیتنے کے بعد ٹیم انڈیا کی توجہ اب سیریز میں نیوزی لینڈ کو 0-3 سے کلین سویپ کرکے عالمی کپ 2021 میں ملی شکست کا انتقام لینے پر مرکوز ہے ۔
آخری میچ میں پلیئنگ الیون میں رتوراج گائیکواڑ، اویش خان ، یوجویندر چہل اور ایشان کشن کو موقع مل سکتا ہے جو سیریز میں اب تک کھیلے نظر نہیں آئے ہیں ۔
یہ بھی پڑھیں:
گپٹل، کوہلی کو پیچھے چھوڑ کر ٹی ٹونٹی میں سب سے زیادہ رنز بنانے والے کھلاڑی بنے
ہندوستانی ٹیم کے لیے سب سے اچھی بات اس کے دونوں اسٹار سلامی بلے بازوں لوکیش راہل اور روہت شرما کی زبردست فارم ہے۔ ہر کوئی خاص طور پر روہت کو دیکھ کر خوش ہے جو ٹی 20 ٹیم کے کپتان کے طور پر نئی ذمہ داری سنبھالتے ہوئے شاندار بلے بازی کا مظاہرہ کر رہے ہیں۔
یواین آئی
