تامل ناڈو کے کانچی پورم کے رہائشی اسی سالہ سبکدوش اسکول ٹیچر کروناکرن اور ان کی اہلیہ سابق ضلع مالیاتی افسر سیواگامی نے اپنے بیٹے کی مورتی Statue Of Late Son بنوائی ہے۔ قد آدم مورتی اب ان کے گھر میں ہے اور وہ روزانہ مورتی کے سامنے پوجا پاٹ کرتے ہیں۔ معمر جوڑا اپنے 48 سالہ بیٹے ہری کرن اور بہو بچوں کے ساتھ اسی گھر میں رہتا تھا۔ ہری کرن ایک نجی ایندھن سپلائی کرنے والی کمپنی میں کام کرتے تھے، لیکن 2001 میں ہری کرن نے الیکشن لڑا اور کانچی پورم ضلع کے وارڈ کونسلر بن گئے۔ وارڈ ممبر بننے کے بعد ہری کرن کی زندگی کو کسی کی نظر لگ گئی۔ Tamil Parents Install Statue Of Their Late Son
پچھلے سال مئی کے مہینے میں ہری کرن کا اچانک دل کا دورہ پڑنے سے انتقال ہو گیا۔ والدین اس کی ناگہانی موت سے سکتے میں آگئے۔ وہ اس کی جدائی برداشت نہیں کرپا رہے ہیں۔ اسی لیے انہوں نے گھر میں اپنے بیٹے کی مورتی رکھنے کا فیصلہ کیا۔ والدین نے مہابلی پورم میں ایک مجسمہ ساز سے رابطہ کیا اور ڈھائی لاکھ روپے خرچ کرکے 5.3 فٹ کا مجسمہ Statue Of Late Son بنوایا۔ مجسمے پر قمیض اور پتلون کا وہی رنگ چڑھایا گیا جو ہری کرن کا پسندیدہ تھا۔
یہ بھی پڑھیں:
Statue Of Tantya Mama Bheel: ٹنٹیا ماما بھیل کے مجسمہ کی نقاب کشائی
ہری ہرن کے مجسمے کی نقاب کشائی دو دن پہلے (مئی 09) ان کی پہلی برسی پر ان کے قریبی دوستوں کے ساتھ کی گئی تھی۔ والدین اسے اپنے خاندانی دیوتا کے طور پر تعظیم کر رہے ہیں۔ اب روزانہ ان کے مجسمے کے سامنے پوجا کی جاتی ہے۔ اس واقعہ پر اہلیان علاقہ اور ان کے پڑوسی اس عمر رسیدہ جوڑے کو خراج تحسین پیش کررہے ہیں۔ Tamil Parents Install Statue Of Their Late Son
