نئی دہلی: سپریم کورٹ نے لکھیم پور کھیری میں کسانوں کے قتل کے ملزم آشیش مشرا کی درخواست ضمانت پر سماعت کے بعد منگل کو اتر پردیش حکومت کو نوٹس جاری کرکے اس سے جواب طلب کیا ہے۔ جسٹس اندرا بنرجی کی قیادت والی ڈبل بنچ نے اس معاملے میں ریاستی حکومت سے 26 ستمبر تک جواب طلب کیا ہے۔ سابق اٹارنی جنرل مکل روہتگی نے ملزم مشرا کی طرف سے پیش ہوکر عدالت عظمیٰ کو آگاہ کیا کہ الہ آباد ہائی کورٹ نے تشدد کے واقعہ کی پوری طرح سے سماعت نہیں کی جس کی وجہ سے کسانوں کی موت ہوئی تھی۔ Supreme Court on Ashish Mishra Bail
روہتگی نے دلیل دی، 'میں آپ سے اس معاملے کی سماعت کرنے کی درخواست کرنا چاہتا ہوں جس پر سپریم کورٹ نے نوٹس جاری کرنے پر رضامندی ظاہر کی ہے۔ مرکزی وزیر مملکت برائے داخلہ اجے مشرا ٹینی کے بیٹے آشیش مشرا کو الہ آباد ہائی کورٹ نے 26 جولائی کو ضمانت دینے سے انکار کر دیا تھا، جس کے بعد انہیں راحت اور ضمانت کے لیے اگست کے آخری ہفتے میں سپریم کورٹ سے رجوع کرنا پڑا تھا۔
یہ بھی پڑھیں: Lakhimpur Violence Case آشیش مشرا کی ضمانت کی عرضی پر سپریم کورٹ میں سماعت آج
انہوں نے کہا کہ استغاثہ کے گواہوں سے چھیڑ چھاڑ اور رکاوٹ ڈالنے کا کوئی اندیشہ نہیں ہے اور 98 گواہوں اور ان کے اہل خانہ کو سیکورٹی فراہم کی گئی ہے۔ مشرا کو گزشتہ سال اکتوبر میں گرفتار کیا گیا تھا اور چارج شیٹ میں دعویٰ کیا گیا تھا کہ یہ قتل "پہلے سے منصوبہ بند طریقے کیا گیا تھا۔ استغاثہ نے کہا کہ گزشتہ سال 3 اکتوبر کو مشرا تین یا چار کاروں کے قافلے کے ساتھ ایک ایس یو وی میں آیا اور مبینہ طور پر زرعی اصلاحات کے قوانین کے خلاف احتجاج کرنے والے کسانوں کو کچل دیا تھا۔
یو این آئی
