مغربی بنگال کے جنوبی 24 پرگنہ میں واقع مسلم اکثریتی شہر میٹیابرج میں دوارے کیمپ کا اہتمام کیا گیا۔ آئندہ چند دنوں تک میٹیا برج شہر میں دوارے سرکار کیمپ کا سلسلہ جاری رہے گا۔
جنوبی 24 پرگنہ کے مسلم اکثریتی شہر میٹیابرج میں دوارے سرکار کیمپ کے دوران اعلیٰ افسران نے کہا کہ ریاستی حکومت عام لوگوں کی ہر ممکن مدد کر رہی ہے۔
لینن اردو پرائمری اسکول میں منعقد دوارے سرکار کیمپ کے دوران ہیلتھ انچارج منجو نے کہا کہ وزیراعلیٰ ممتا بنرجی کے ترقیاتی منصوبوں کو تمام لوگوں بالخصوص اقلیتی طبقے کی خواتین تک پہنچانے کی ہر ممکن کوشش کی جارہی ہے۔
انہوں نے کہا کہ ترقیاتی منصوبوں سے جڑنے میں کوئی دشواری نہیں ہے کیونکہ منصوبوں تک پہنچانے کے لیے کیمپ کے دوران کئی کاؤنٹر کھولے جاتے ہیں تاکہ خواتین آسانی سے اپنا کام کروا سکیں۔
دوارے سرکار کیمپ میں تعینات افسران کا کہنا ہے کہ خواتین کو لکشمی بھنڈار منصوبے کے ماہانہ پانچ سو روپے حاصل کرنے کے لئے اکاؤنٹ کھلوانا ضروری ہے۔ اس کے زیادہ محنت کرنے کی ضرورت نہیں ہے۔ کیمپ کے دوران ایک گھنٹے میں اکاؤنٹ کھولا جا رہا ہے۔
مزید پڑھیں:۔ رکن اسمبلی کی نگرانی میں دوارے سرکار کیمپ کا انعقاد
انہوں نے کہا کہ پوسٹ آفس میں بھی ایک سو روپے میں اکاؤنٹ کھول سکتے ہیں۔ اکاؤنٹ کھولنے کے لئے جو ایک سو روپے لیا جاتا ہے وہ اکاؤنٹ میں واپس کر دیا جاتا ہے۔ اس کے ساتھ ساتھ اے ٹی ایم کارڈ بھی دیا جاتا ہے۔
