پٹنہ سے دہلی جا رہے اسپائس جیٹ Patna SpiceJet Flight کے انجن میں آگ لگنے کے بعد پٹنہ ہوائی اڈے پر ایمرجنسی لینڈنگ کرائی گئی۔ پائلٹ اور ہوائی عملے کی سوجھ بوجھ سے تمام مسافروں کو بحفاظت طیارے سے باہر نکال لیا گیا ہے۔ موصولہ اطلاعات کے مطابق اسپائس جیٹ 737-800 طیارے کے انجن میں جس میں 191 مسافر اور عملہ سوار تھا، ٹیک آف کے چند منٹ بعد پرندے کے ٹکرانے کی وجہ سے آگ لگ گئی۔
-
#WATCH Patna-Delhi SpiceJet flight safely lands at Patna airport after catching fire mid-air, all 185 passengers safe#Bihar pic.twitter.com/vpnoXXxv3m
— ANI (@ANI) June 19, 2022 " class="align-text-top noRightClick twitterSection" data="
">#WATCH Patna-Delhi SpiceJet flight safely lands at Patna airport after catching fire mid-air, all 185 passengers safe#Bihar pic.twitter.com/vpnoXXxv3m
— ANI (@ANI) June 19, 2022#WATCH Patna-Delhi SpiceJet flight safely lands at Patna airport after catching fire mid-air, all 185 passengers safe#Bihar pic.twitter.com/vpnoXXxv3m
— ANI (@ANI) June 19, 2022
آگ لگنے کی اطلاع مقامی لوگوں نے دی جس کے بعد اسے بحفاظت پٹنہ ایئرپورٹ پر اتارا گیا۔ ایوی ایشن ریگولیٹر کے مطابق پرندے کے ٹکرانے کے نتیجے میں انجن میں آگ لگ گئی جسے بعد میں طریقہ کار کے مطابق بند کر دیا گیا۔ واقعے میں کسی کے زخمی ہونے کی اطلاع نہیں ہے۔
اسی دوران طیارے میں سوار مسافر ایئرپورٹ سے باہر آئے اور بتایا کہ جب جہاز میں اعلان ہوا تو ہمیں معلوم ہوا کہ انجن میں آگ لگ گئی ہے۔ ہم بہت خوفزدہ تھے لیکن پائلٹ کی سمجھ بوجھ کی وجہ سے ہماری جان بچ گئی۔ واقعہ کی اطلاع موصول ہوتے ہی پٹنہ کے ضلع مجسٹریٹ ڈاکٹر چندر شیکھر سنگھ بھی موقع پر پہنچ گئے ہیں۔ انہوں نے کہا کہ طیارے نے محفوظ لینڈنگ کی ہے۔ تمام مسافر مکمل طور پر محفوظ ہیں۔ حادثے کی وجوہات کی تحقیقات کی جائیں گی۔
چیف آف فلائٹ آپریشن، گرچرن اروڑہ نے کہا کہ اسپائس جیٹ پائلٹس نے صورتحال کو اچھی طرح سے کنٹرول کیا، جب جہاز لینڈ کیا تو صرف ایک انجن کام کر رہا تھا۔ انجینئرز نے طیارے کا معائنہ کیا، اس بات کی تصدیق ہوئی کہ پرندے کے ٹکرانے سے پنکھے کے بلیڈ اور انجن کو نقصان پہنچا۔ ڈی جی سی اے مزید تحقیقات کرے گا۔
