شمالی کشمیر کے ضلع بارہمولہ کے سوپور قصبہ کے مازبگ کی رہنے والی تبسم محی الدین نے حال ہی میں کشمیر یونیورسٹی کے فیکلٹی آف عربک (ماسٹرز ڈگری) میں گولڈ میڈل حاصل کیا ہے۔ عربک کی طالبہ تبسم نے گولڈ میڈل حاصل کرکے علاقے اور اپنے گھر والوں کا نام روشن کیا ہے اور اس کامیابی کا سہرا انہوں نے اپنے والدین اور اساتذہ کے سر باندھا ہے۔
ای ٹی وی بھارت کے ساتھ بات کرتے ہوئے تبسم نے بتایا کہ ان کو بچپن سے ہی عربی سے محبت تھی اور انہوں نے کافی محنت کی اور آج انہوں نے گولڈ میڈل حاصل کیا۔
تبسم کا کہنا ہے کہ وہ ایک غریب گھرانے سے تعلق رکھتی ہے۔ لیکن ان کے والد نے غریبی کے باوجود ان کے تعلیمی سفر کو کامیاب بنانے کے لئے کافی مدد اور حوصلہ افزائی کی۔
یہ بھی پڑھیں:صحت افزا مقام سونہ مرگ اور مانسبل جانے پر پابندی
انہوں نے مزید بتایا کہ اس دور میں عربی مضمون کو زیادہ اہمیت نہیں دی جارہی ہے لیکن اس مضمون میں ڈگری حاصل کرکے بھی انسان بہت کچھ حاصل کرسکتا ہے اور آج وہ کافی خوش ہے کہ انہوں نے عربی مضمون کو منتخب کیا تھا۔
تبسم کے والد منظور احمد نے کہا کہ وہ بیٹی کی کامیابی پر فخر محسوس کررہے ہیں۔ انہوں نے لوگوں سے اپیل کی کہ وہ لڑکیوں کی تعلیم پر توجہ دیں اور ان کی حوصلہ افزائی کریں۔
