کانگریس صدر سونیا گاندھی کو کورونا سے متعلق مسائل کی وجہ سے اتوار کو گنگا رام اسپتال میں داخل کرایا گیا۔ کانگریس کے میڈیا انچارج رندیپ سنگھ سرجے والا نے بتایا کہ سونیا گاندھی حال ہی میں کورونا سے متاثر ہوئی تھیں اور اسی وجہ سے انہیں اسپتال میں داخل کرایا گیا ہے۔ انہوں نے کہا کہ سونیا گاندھی کی حالت مستحکم ہے اور انہیں ڈاکٹروں کی نگرانی میں رکھا گیا ہے۔ انہوں نے کانگریس کارکنان، لیڈران اور دیگر تمام لوگوں کا شکریہ ادا کیا ہے، جنہوں نے سونیا گاندھی کی جلد صحت یابی کے لئے اپنی نیک خواہشات پیش کی ہیں۔ Sonia Gandhi admitted to Ganga Ram hospital
واضح رہے کہ سونیا گاندھی کو نیشنل ہیرالڈ کیس میں انفورسمنٹ ڈائریکٹوریٹ نے 8 جون کو طلب کیا تھا، لیکن اب انہیں کورونا کی وجہ سے راحت دیتے ہوئے 23 جون کو بلایا گیا ہے۔
یہ بھی پڑھیں: National Herald Case: ای ڈی کی نوٹس کے خلاف کانگریس ملک بھر میں پریس کانفرنس کرے گی
