TRS MLA's Son Arrested In Abetment To Suicide Of 4 People: اجتماعی خودکشی معاملہ میں ٹی آر ایس رکن اسمبلی کا بیٹا گرفتار

ایس پی روہت راج نے میڈیا کو بتایا کہ ملزم کی گرفتاری کے لئے 8خصوصی ٹیمیں تشکیل دی گئی تھیں اور کل شام اس کو گرفتار کر لیا گیا۔ پولیس نے اس کے پاس سے شواہد ضبط کئے ہیں۔ Son Of TRS MP Arrested In Mass Suicide Case

تلنگانہ کے بھدرادری کوتہ گوڑم کے پالونچہ علاقہ میں رواں ماہ کی 3تاریخ کو راما کرشنا نامی شخص کی اپنے ارکان خاندان کے ساتھ اجتماعی خودکشی کے واقعہ کے سلسلہ میں ریاست کی حکمران جماعت ٹی آر ایس کے رکن اسمبلی وینکٹیشور راو کے فرزند راگھو ویندر کو پولیس نے گرفتار کرلیا۔ Son Of TRS MP Arrested In Mass Suicide Case

راگھو ویندر پر مذکورہ خاندان کو خودکشی کے لئے مجبور کرنے کا الزام ہے۔ خودکشی سے پہلے اس خاندان کے سربراہ راماکرشنا نے ایک سیلفی ویڈیو لیا تھا اور رکن اسمبلی کے بیٹے کو اس واقعہ کے لئے ذمہ دار قرار دیا تھا۔ اس ویڈیو کے سامنے آنے کے بعد پولیس چوکس ہوگئی تھی۔

ایس پی روہت راج نے میڈیا کو بتایا کہ ملزم کی گرفتاری کے لئے 8خصوصی ٹیمیں تشکیل دی گئی تھیں اور کل شام اس کو گرفتار کر لیا گیا۔ پولیس نے اس کے پاس سے شواہد ضبط کئے ہیں۔

انہوں نے کہا کہ ملزم سے کئی معاملات کے سلسلہ میں پوچھ گچھ کی گئی۔ ایس پی نے دعوی کیا کہ راگھوا نے اعتراف کیا کہ اس نے راما کرشنا کو دھمکی دی تھی۔ راگھوا کے خلاف جملہ 12 معاملات درج ہیں۔ پہلے درج معاملات کی بھی جانچ کی جائے گی۔ ملزم کو گرفتار کرنے کے بعد معائنہ کے لئے پالونچہ کے اسپتال منتقل کیاگیا۔ ڈاکٹروں نے کہا کہ اس کا کوویڈ کا ٹسٹ منفی آیا ہے۔

(یو این آئی)